ພະແນກ ແຮງງານ ແລະ ສະຫວັດດີການສັງຄົມແຂວງ ຈັດພິທີມອບເຄື່ອງຊ່ວຍເຫຼືອໃຫ້ປະຊາຊົນຜູ້ຖືກເຄາະຮ້າຍຈາກລົມພາຍຸພັດ ແລະ ອັກຄີໄພ ຢູ່ ເມືອງຄົງເຊໂດນ, ໃນຄັ້ງວັນທີ 31/10/2013

ພະແນກ ແຮງງານ ແລະ ສະຫວັດດີການສັງຄົມແຂວງ ຈັດພິທີມອບເຄື່ອງຊ່ວຍເຫຼືອໃຫ້ປະຊາຊົນຜູ້ຖືກເຄາະຮ້າຍຈາກລົມພາຍຸພັດ ແລະ ອັກຄີໄພ ຢູ່ ເມືອງຄົງເຊໂດນ, ມອບໂດຍທ່ານ ບຸນຍົງ ພາສີ ຫົວໜ້າພະແນກ ຮສສ ແຂວງ ຮັບໂດຍທ່ານ ຈັນຖາວອນ ອຸ່ນຈິດ ຮອງເຈົ້າເມືອງໆຄົງເຊໂດນ, ໃຫ້ກຽດເຂົ້າຮ່ວມເປັນສັກຂີພິຍານ ໂດຍທ່ານ ຄໍາບຸ່ນ ດວງປັນຍາ ເລຂາພັກແຂວງ ເຈົ້າແຂວງໆສາລະວັນ, ມີຄະນະກໍາມະການປ້ອງກັນ ແລະ ແກ້ໄຂໄພພິບັດຂັ້ນແຂວງ, ຂັ້ນເມືອງ ແລະ ອໍານາດການປົກຄອງບ້ານ, ລວມທັງໝົດ 53 ທ່ານ, ຍິງ 15 ທ່ານ, ການມອບເຄື່ອງຊ່ວຍເຫຼືອໃນຄັ້ງນີ້ ມີເຂົ້າສານໜຽວ ຈໍານວນ 19,517 ໂຕນ, ມູນຄ່າເປັນເງີນ 117,100,000 ກີບ, ມີຜູ້ໄດ້ຮັບຜົນປະໂຫຍດ ຈໍານວນ 1,301 ຄົນ, ຍິງ 651 ຄົນ, ມີ 18 ບ້ານ, 215 ຄອບຄົວ.