ຄົ້ນຄ້ວາຮ່າງລະບຽບການຕ່າງໆ ກ່ຽວກັບການຄຸ້ມຄອງ ແລະ ປະຕິບັດນະໂຍບາຍບັນເທົາທຸກ ແລະ ຊ່ວຍເຫລືອເດັກກຳພ້າ-ກຳພອຍ, ຜູ້ອາຍຸສູງ ທີ່ປ່ຽວພອຍ ຂາດທີ່ເພິ່ງພາອາໃສ, ຄົນເປັນບ້າ ເສຍຈິດ ທີ່ບໍ່ມີຜູ້ລ້ຽງດູເບິ່ງແຍງ, ຄົ້ນຄ້ວາ, ອອກຂໍ້ຕົກລົງ, ລະບຽບການຕ່າງໆໃນການຈັດຕັ້ງ ປະຕິບັດ ນະໂຍບາຍການສົງເຄາະ ເພື່ອຊ່ວຍບັນເທົາທຸກໃຫ້ແກ່ປະຊາຊົນຜູ້ປະສົບເຄາະຮ້າຍຈາກໄພທຳມະຊາດ ແລະ ໄພສັງຄົມອື່ນໆ. ຄຸ້ມຄອງ, ວາງແຜນ ແລະ ຊີ້ນຳ ການຈັດຕັ້ງປະຕິບັດວຽກງານໄພພິບັດຕ່າງໆ ໃນທົ່ວປະເທດຕາມຂອບເຂດສິດຄວາມຮັບຜິດຊອບ ຂອງກະຊວງຮສສ.ຄົ້ນຄ້ວາຮ່າງກົດຫມາຍ ແລະ ລະບຽບການຕ່າງໆ ກ່ຽວກັບວຽກງານປະກັນສັງຄົມ, ຈັດຕັ້ງຊີ້ນຳ, ຄຸ້ມຄອງການປະຕິບັດລະບອບປະກັນສັງຄົມ ໃຫ້ຖືກຕ້ອງກັບນະໂຍບາຍຂອງພັກ ແລະລັດຖະບານວາງອອກ.
ຄົ້ນຄວ້າຮ່າງນະໂຍບາຍ ແລະຈັດຕັ້ງປະຕິບັດບັນດາມະຕິ, ຄຳສັ່ງ, ກົດຫມາຍ ແລະ ລະບຽບການຕ່າງໆຂອງພັກ, ລັດຖະບານວາງອອກ ແລະ ທິດທາງແຜນການ ຂອງກະຊວງຮສສ ໃນແຕ່ລະໄລຍະ ກ່ຽວກັບການຄຸ້ມຄອງພະນັກງານບຳນານ, ນັກຮົບເສຍອົງຄະ, ວິລະຊົນແຫ່ງຊາດ, ນັກຮົບ ແຂ່ງຂັນ, ຜູ້ເສຍສະຫລະຊີວິດ ຄອບຄົວຜູ້ເສຍສະຫລະຊີວິດເພື່ອຊາດ ທີ່ຂາດຜູ້ດູແລ, ຜູ້ມີຄຸນງາມຄວາມດີຕໍ່ຊາດ, ຕໍ່ການປະຕິວັດ, ຜູ້ອາຍຸສູງ, ເດັກກຳພ້າ-ກຳພອຍ,ຜູ້ດ້ອຍໂອກາດ, ເດັກພິການ, ຕໍ່ຜູ້ເສຍອົງຄະຢູ່ບັນດາສູນເສຍອົງຄະ, ຜູ້ປ່ຽວພອຍ ອານາຖາ ແລະ ຊີ້ນຳການຈັດຕັ້ງປະ ຕິບັດນະໂຍບາຍດັ່ງກ່າວໃຫ້ສອດຄ່ອງກັບສະພາບການຕົວຈິງ ໃນແຕ່ລະໄລຍະ.
0 ความคิดเห็น :
Post a Comment
ກະລຸນາສະແດງຄວາມຄິດເຫັນຢ່າງກົງໄປກົງມາ