ບົດລາຍງານ ຂອງຄະນະກໍາມະການ ປ້ອງກັນ ແລະ ແກ້ໄຂໄພພິບັດຂັ້ນແຂວງ ກ່ຽວກັບພາຍຸດີເພຣຊັນ ທີ່ເກີດຂື້ນໃນລະຫວ່າງວັນທີ 17-25 ກັນຍາ 2013.

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

---------------------

​ແຂວງ​ສາລະ​ວັນ                               ​                                                        ເລກທີ............../ຈຂ.ສວ

                                                                                          ສາລະ​ວັນ, ວັນ​ທີ ........................

ບົດ​ລາຍ​ງານ

ຂອງ​ຄະນະ​ກໍາມະການ ປ້ອງ​ກັນ ​ແລະ ​ແກ້​ໄຂ​ໄພພິບັດ​ຂັ້ນ​ແຂວງ ກ່ຽວກັບ​ພາຍຸ​ດີ​ເພຣຊັນ

 ທີ່​ເກີດ​ຂື້ນ​ໃນ​ລະຫວ່າງ​ວັນ​ທີ 17-25 ກັນຍາ 2013.

          ພາຍຫຼັງທີ່​ໄດ້​ຮັບ​ຂ່າວ​ແຈ້ງ​ເຕືອນທາງ​ວິທະຍຸ-​ໂທລະ​ພາບ ຈາ​ກພາຍ​ໃນ​ປະ​ເທດ - ສົບ​ທົບ​ຂ່າວ​ຈາກ​ຕ່າງປະ​ເທດ ​​ແຈ້ງ​ໃຫ້​ຮູ້​ວ່າ: ລະຫວ່າງ ວັນ​ທີ 17-25 ກັນຍາ 2013 ນີ້ຈະ​ມີ​ພາຍຸ​ດີ​ເພຣຊັນ ​ພັດ​ຜ່ານ​ເຂດ​ພາກ​ໃຕ້​ຂອງ​ລາວ. ຈາກ​ນັ້ນ, ຄະນະ​ກໍາມະການ​ປ້ອງ​ກັນ ​ແລະ ​ແກ້​ໄຂ​ໄພພິບັດ​ຂັ້ນ​ແຂວງ ກໍ່​ໄດ້​ແຈ້ງ​ເຕື່ອນ​ໄປ​ຍັງ​ອໍານາດ​ກາ​ນປົກ​ຄອງ​ເມືອງ ​ແລະ ຄະນະ​ກໍາມະການ​ໄພພິບັດ​ຂັ້ັນ​ເມືອງ ​ເພື່ອ​ໃຫ້​ແຈ້ງ​ຂ່າວ​ດັ່ງກ່າວ​ໃຫ້​ປະຊາຊົນ​ໃນ​ເຂດ​ທີ່​ມີ​ຄວາມ​ສ່ຽງ ຮັບຮູ້ ​ ​ເພື່ອ​ກະກຽມຮັບ​ມື.

          ຈາກ​ນັ້ນ, ຕົກ​ມາ​ຮອດ ວັນ​ທີ 17-18 ກັນຍາ 2013 ພາຍຸ​ດັ່ງກ່າວ ກໍ່​ໄດ້​ພັດ​ຜ່ານ ​ແລະ ປົກ​ຄຸມ​ແຂວງ​ສາລະ​ວັນ ຕາມ​ຖະ​ແຫຼ່ງຂ່າວ. ຈາກ​ນັ້ນ​ມາຄະນະ​ປະ​ຈໍາ​ພັກ​ແຂວງ ກໍ່​ໄດ້​ຈັດ​ໃຫ້​ມີ​ກ​ອງປະຊຸມ ​ເພື່ອ​ຕີ​ລາຄາ​ສະພາບ​ການ ​ແລະ ​ແບ່ງ​ກັນ​ລົງ​ຊີ້ນໍາ ​ແຕ່ລະ​ເມືອງ ​ແລະ ມອບ​ໃຫ້​ຄະນະ​ກໍ​າມະ​ການ​ປ້ອງ​ກັນ ​ແລະ ​ແກ້​ໄຂ​ໄພພິບັດ​ຂັ້ນ​ແຂວງ-​ເມືອງ ​ເປັນ​ເຈົ້າ​ການ...

          ສັງ​ເກດ​ເຫັນ​ວ່າ: ພາຍຸ​ດີ​ເພຣຊັນຄັ້ງນີ້ ມີ​ຄວາມ​ຮ້າຍ​ແຮງກວ່າ​ຄັ້ງ​ທີ່​ຜ່ານ​ມາ. ທີ່​ໄດ້​ຮັບ​ຜົນ​ກະທົບ​ຫຼາຍ​ກວ່າໝູ່​ກໍ່ແມ່ນ​ເມືອງ​ຄົງ​ເຊ​ໂດນ, ວາປີ, ສາລະ​ວັນ ​ແລະ ​ເມືອງ​ອື່ນໆ. ສະ​ເພາະ​​ເມື​ອງຄົງ​​ເຊ​ໂດນ ວັດ​ແທກ​ໄດ້​ລະດັບ​ນໍ້າຂຶ້ນສູງ 14,50 ​ແມັດ ( ​ເຂດ​ລະວັງ​ໄພ 11,30 ​ແມັດ ).

I.    ສັງ​ລວມຜົນ​ກະທົບ​ຈາກ​ນໍ້າ​ຖ້ວມ ທັງໝົດ

1.   ​ຜົນ​ກະທົບຈາກ​ນໍ້າ​ຖ້ວມໃນ​ເບື້ອງ​ຕົ້ນ​:

-       ມີ​ທັງໝົດ 205 ບ້ານ, ມີ 14.104 ຄອບຄົວ, ຈໍານວນ​ພົນ 69.836 ຄົນ, ຍິງ 36.189 ຄົນ.

-       ​ເນື້ອທີ່ຖືກ​ຖ້ວມ​ທັງໝົ​ດ 16.278 ​ເຮັກຕາ.

-       ​ເນື້ອທີ່​ພືດ​ຕ່າງໆ 2.000 ​ເຮັກຕາ.

-       ສັດລ້ຽງປະ​ເພດ​ຕ່າງໆ 10.875 ​ໂຕ.

-       ໜອງປາ 2.762 ໜ​ອງ.

-       ​ເສັ້ນທາງ 71 ​ເສັ້ນ, ຍາວ 1.015 ກິ​ໂລ​ແມັດ.

-       ຂົວ 30 ​ແຫ່ງ, ​ຍາວ 384 ແມັດ.

-       ຊົນລະ​ປະທານ 45 ​ແຫ່ງ.

-       ບໍ່​ນໍ້າ​ບາ​ດານ 266 ບໍ່.

-       ​ໂຮງໝໍ 1 ​ແຫ່ງ.

-       ສຸກສາລາ 4 ​ແຫ່ງ.

-       ​ໂຮງຮຽນ 53 ຫຼັງ.

-       ສໍານັກງານ 9 ຫ້ອງການ.

-       ​ເລົ້າ​ເຂົ້າ 5.193 ຫຼັງ, ​ເຂົ້າ​ເສຍ​ຫາຍ 1.771 ​ໂຕນ.

-       ພາຫະນະ 472 ຄັນ, ​ໃນ​ນັ້ນ; ລົດ​ຮຸນ​ໃດ 24 ຄັນ, ລົດ​ຕູ້ 5 ຄັນ, ລົດ​ຈັກ 180 ຄັນ ​ແລະ ລົດ​ໄຖ​ນາ​ເດີນ​ຕາມ 263 ຄັນ.

-       ​ເຮືອນ​ຖືກ​ເສຍ​ຫາຍ 23 ຫຼັງ

-       ລະບົບຕາຂ່າຍໄຟຟ້າ 22 KV ແລະ 0,4 KV ຖືກກະທົບໃນ 4 ຕົວເມືອງ ຄື: ເມືອງສາລະວັັນ, ວາປີ, ຄົງເຊໂດນ ແລະ ເມືອງລະຄອນເພັງ ໄດ້ຖືກຕັດໄຟ ມີ 72 ປ້ອມ, ມີເສົາໄຟຟ້າຖືກເຊາະເຈືອນ 238 ຕົ້ນ, ແລະ ເສົາຫັກ 4 ຕົ້ນ. ນອກນັ້ນ ກໍ່ມີສາຍໄຟຟ້າຂາດ 3 ຈຸດ ຢູ່ເມືອງວາປີ ແລະ ເມືອງຄົງເຊໂດນ, ມີໝໍ້ນັບໄຟຟ້າຖືກຖ້ວມເສຍຫາຍ 2.410 ໜ່ວຍ, ມູນຄ່າ 2.325.043.000 ກີບ.

2.    ​ປະ​ເມີນມູນ​ຄ່າຜົນ​ເສຍ​ຫາຍ ​ແຕ່ລະ​​ໂຂງ​​ເຂດ:

1)     ຂົງເຂດສຶກສາ, ມູນຄ່າຖືກເສຍຫາຍທັງໝົດ 952.125.000 ກີບ.

2)    ຂົງເຂດສາທາລະນະສຸກ, ມູນຄ່າຖືກເສຍຫາຍ 4.629.402.000 ກີບ.

3)    ຂົງເຂດກະສິກໍາ, ມູນຄ່າຖືກເສຍຫາຍ 145.023.924.000 ກີບ.

4)    ຂົງເຂດໂຍທາທິການ ແລະ ຂົນສົ່ງ, ມູນຄ່າຖືກເສຍຫາຍ 180.189.962.000 ກີບ.

5)    ໄຟຟ້າຖືກກະທົບເສຍຫາຍ, ມູນຄ່າ 2.325.043.000 ກີບ.

ລວມມູນ​ຄ່າ​ຖືກ​ເສຍ​ຫາຍທັງໝົດ 333.093.456.000 ກີບ.

II.   ການ​ໂຕ້​ຕອບ ​ແລະ ການ​ຊ່ວຍ​ເຫຼືອປະຊາຊົນ.

·         ຂໍ້​ສະດວກ:

-       ພວກ​ເຮົາ​ມີ​ການ​ຊີ້​ນຳໆ​ພາ​ຢ່າງ​ໃກ້ຊິດ​ຈາກ​ຄະນະ​ພັກ-ອຳນາດ​ການ​ປົກຄອງ​ແຂວງ ​ແລະ ​ເມືອງ.

-       ພວກ​ເຮົາ​ມີ​ການຈັດຕັ້ງຄະນະ​ກຳມະການ ປ້ອງ​ກັນ ​ແລະ ​ແກ້​ໄຂ​ໄພພິບັ​ດຂັ້ນ​ແຂວງ-ຂັ້ນ​ເມືອງ.

-       ຮັບ​ການ​ຊ່ວຍ​ເຫຼືອ​ ຈາກ​ກອງ​ພົນ​ທີ 4 ( ​ເຮືອທ້ອງ​ແບນ 1 ລຳ, ພ້ອມ​ກຳລັງ 6 ທ່ານ, ກອງ​ພົນ​ທີ 5 ​ເຮືອ 2 ລຳ ພ້ອມ​ກຳລັງ​ 12 ທ່ານ ).

-       ​ຮັບ​ການ​ຊ່ວຍ​ເຫຼືອ​ຈາກ​ພະ​ແນ​ກ ສາທາລະນະ​ສຸກ ​ແຂວງ​ ຈັດ​ແພດ​ເຄື່ອນ​ທີ່ ຈຳນວນ 20 ທ່ານ ພ້ອມ​ດ້ວຍ​ຢາ​ປົວ​ພະຍາດ ​ແລະ ອຸປະກອນການ​ແພດ ​ແລະ ມຸ້ງ​ຈຳນວນ​ໜຶ່ງ.

-       ​ຮັບ​ການ​ຊ່ວຍ​ເຫຼືອ​ຈາກ​ກອງ​ບັນຊາ​ການ​ທະ​ຫານ​ແຂວງ ​ໄດ້​ເອົາ​ກໍາລັງ ຈາກ​​ກອງພັນ 16-17 ​ແລະ ອື່ນໆ ​ເຂົ້າ​ຊ່ວຍ​ເຫຼືອປະຊາຊົນ.

-       ຮັບ​ການ​ຊ່ວຍ​ເຫຼືອຈາກ​ກະ​ຊວງ ​ແຮງ​ງານ ​ແລະ ສະຫວັດດີ​ການ​ສັງຄົມ​ ມອບ​ໃຫ້​ແຂວງ ( ​ເຮືອກູ້​ໄພ​ສຸກ​ເສີນ 1 ລໍາ, ລົດ​ສະ​ແຕ໋ກນໍ້າ 1 ຄັນ ​ແລະ ​ເຕັນ​ສຸກ​ເສີນ ຈໍານວນ 10 ດາງ ).

-       ຮັບ​ການ​ຊ່ວຍ​ເຫຼືອ​ຈາກ ​ກະຊວງ​ສາທາລະນະ​ສຸກ ລົດ​ຜະລິດ​ນ້ຳສະອາດ 1 ຄັນ, ອຸປະກອນ​ຈໍານວນໜຶ່ງ ພ້ອມ​ພະນັກງານ​​ ​ແລະ ນັກ​ສຶກສາ​ແພດ ຈໍານວນ 30 ທ່ານ.

-       ​ຮັບ​ການ​ຊ່ວຍ​ເຫຼືອ​ດ້ານ​ວັດ​ຖຸ, ເງິນ, ພາຫະນະ​ຂົນ​ສົ່ງ​ຈາກ​ບໍລິສັດ, ຫ້າງ​ຮ້ານ, ລັດ​ວິ​ສາ​ຫະກິດ, ທຸລະ​ກິດ​ພາຍ​ໃນ ​ແລະ ຕ່າງ​ແຂວງ ​ເພື່ອ​ຊ່ວຍ​ເຫຼືອບັນ​ເທົາ​ທຸກ.

-       ພວກ​ເຮົາ​ມີ​ບົດຮຽນ​, ປະສົບ​ການ​ຈຳນວນ​ໜຶ່ງ ​ໃນ​ການ​ແກ້​ໄຂຈາກ​​ພາຍຸ​ເກດສະໜາ​.

-       ຕົ້ນຕໍ ​ແມ່ນ​ຄວາມ​ເປັນ​ເຈົ້າ​ການ​ຂອງ​ຄະນະ​ພັກ-​ອໍານາດການ​ປົກຄອງ, ພະນັກງານ​ຂອງ​ເມືອງ​ທີ່​ກ່ຽວຂ້ອງ ​ໄດ້​ເປັນ​ເຈົ້າຕົນ​ເອງ.

·         ຂໍ້​ຫຍຸ້ງຍາກ:

-       ພວກ​ເຮົາ​ຂາດ​ພາຫະນະຮັບ​ໃຊ້​ໃນ​ການ​ລຳລຽງ​ຂົນ​ສົ່ງ​ການ​ເຂົ້າຊ່ວຍ​ເຫຼືອ​ປະຊາຊົນ​ ເປັນຕົ້ນ: ​ແມ່ນ​ເຮືອ​ ​ແລະ ​ອື່ນໆ ​ເພື່ອ​ລໍາລຽງ​ຂົນ​ສົ່ງ​ຄົນ, ສັດ, ​ເຂົ້າປາ​ອາຫານ...

-       ປະຊາຊົນ​ຈຳນວນ​ໜຶ່ງ​ຂາດ​ສະຕິ​ໃນ​ການ​ແຈ້ງ​ຂ່າວ ​ແລະ ​ແຈ້ງເຕືອນ ຈາກ​ອຳນາດ​ການ​ປົກຄອງ ຈົນ​ເຖີງ​​ເວລາ​ນ້ຳຖ້ວມ​ແຮງ​ຈະ​ຢູ່​ບໍ່​ໄດ້ ຈຶ່ງ​ຮຽກ​ຮ້ອງ​ການ​ຊ່ວຍ​ເຫຼືອ ກົງກັນ​ຂ້າມ ​ຜູ້​ຈະ​ໄປ​ຊ່ວຍ​ກໍ່​ບໍ່​ທ່ວງທັນ.

-       ການ​ແຈກ​ຢາຍ​ວັດຖຸ​ສິ່ງ​ຂອງ ​ເປັນ​ຕົ້ນ: ​ແມ່ນ​ເຄື່ອງກິນ, ​ເຄື່ອງ​ດື່ມ ​ແລະ ອື່ນໆ ບໍ່ຄົບ​ຖ້ວນພຽງພໍ.

III. ການ​ຊ່ວຍ​ເຫຼືອບັນ​ເທົາ​ທຸກ:

-       ຄະນະພັກ-ອໍານາດການປົກຄອງແຂວງ ແລະ ເມືອງ ​ໄດ້​ມີ​ການ​ແຕ່ງ​ຕັ້ງ​ຄະນະ​ຊີ້ນໍາ ​ແລະ ​ແບ່ງ​ຄວາມ​ຮັບຜິດ​ຊອບ​ເປັນ​ຕົ້ນ: ​​ຂັ້ນ​ແຂວງ ​ແລະ ​ເມືອງ ​ໄດ້​ມີ​ການ​ແຕ່ງ​ຕັ້ງ​ຄະນະ​ກໍາມະການ​ປ້ອງ​ກັນ ​ແລະ ​ແກ້​ໄຂ້​ໄພພິບັດ ລົງຕິດຕາມຊີ້ນໍາ-ບັນຊາການຊ່ວຍເຫຼືອ ຢ່າງ​ໃກ້ຊິດ.

-       ​ແຕ່ລະຂະແໜງການຂອງ​ແຂວງ ​ແລະ ​ເມືອງ ພ້ອມ​ທັງກໍາລັງປ້ອງກັນຊາດ - ປ້ອງກັນຄວາມສະຫງົບ  ແລະ ທຸກພາກສ່ວນຕ່າງໆຂອງສັງຄົມ ​ໄດ້​ໃຫ້ການ​ຊ່ວຍ​ເຫຼືອບັນ​ເທົາ​ທຸກ​ປະຊາຊົນຜູ້ທີ່ຖືກນໍ້າຖ້ວມ ເປັນຕົ້ນ: ​ໄດ້​ໃຫ້​ກໍາລັງ​ໃຈ ​ແລະ ຊ່ວຍພາຫາ​ນະລໍາລຽງຂົນສົ່ງທາງເຮືອ-ລົດ ຍົກ​ຍ້າຍ​ປະຊາຊົນ​, ວັດຖຸສິ່ງຂອງ ແລະ ສັດລ້ງງ ​ແລ​ະ ອື່ນໆ ​ໄປ​ໄວ​ບ່ອນ​ປອດ​ໄພ. ພ້ອມ​ນັ້ນ ຍັງ​ໄດ້​ຊ່ວຍ​ເຫຼືອເຂົ້າສານ, ອານຫານແຫ້ງ, ນໍ້າດື່ມ ແລະ ປາປ໋ອງ ແຈກຢາຍປະຊາຊົນຢູ່ຕາມບ້ານ ​ແລະ ຕາມຈຸດຈັດສັນຊົ່ວຄາວ.

-       ພາກ​ລັດ ​ໄດ້​ຕັ້ງ​ຈຸດ​ຮັບ​ບໍລິຈາກ​ການ​ຊ່ວຍ​ເຫຼືອຢູ່​ຂັ້ນ​ເມືອງ ​ແລະ ຂັ້ນ​ແຂວງ.

-       ປຸກລະດົມການຊ່ວຍເຫຼືອຈາກອົງການຈັດຕັ້ງພັກ-ລັດ, ​ເອກະ​ຊົນ, ອົງການຈັດຕັ້ງສັງຄົມ ​ແລະ ອົງການຈັດຕັ້ງສາກົນ ຢູ່ພາຍໃນ ​ແລະ ຕ່າງປະເທດ, ​ໃຫ້​ການ​ຊ່ວຍ​ເຫຼືອ​ທັງໝົດ  ຈໍານວນ 2,663,197,000 ກີບ, ​ໃນນັ້ນ: ​ວັດຖຸ ມູນ​ຄ່າ 2,006,259,000 ກີບ ​ແລະ ເງິນສົດ 656,183,000 ກີບ.

IV.   ສັງ​ລວມການ​ເສຍ​ຫາຍ​ ໃນ​ການ​ກວດກາ​ຕົວ​ຈິງ​ຫຼັງ​ຈາກ​ນໍ້າ​ຫຼຸດລົງ:

-       ຈໍານວນ​ບ້ານ​ 187 ບ້ານ, 10.683 ຄອບຄົວ, ຈໍານວນ​ພົນ 68.442 ຄົນ, ຍິງ 34.478 ຄົນ.

-       ​ເນື້ອທີ່​​ເສຍ​ຫາຍ 13.702 ​ເຮັກຕາ.

-       ​ເນື້ອທີ່​ພືດ​ຕ່າງໆ 789 ​ເຮັກຕາ.

-       ສັດລ້ຽງປະ​ເພດ​ຕ່າງໆ 28,653 ​ໂຕ.

-       ໜອງປາ 2.050 ໜ​ອງ.

-       ​ເສັ້ນທາງ 71 ​ເສັ້ນ, ຍາວ 1.015 ກິ​ໂລ​ແມັດ.

-       ຂົວ 27 ​ແຫ່ງ, ​ຍາວ 324 ແມັດ.

-       ຊົນລະ​ປະທານ 54 ​ແຫ່ງ.

-       ບໍ່​ນໍ້າ​ບາ​ດານ 1,147 ບໍ່.

-       ​ໂຮງຮຽນ 3 ຫຼັງ.

-       ​ເລົ້າ​ເຂົ້າ 5.193 ຫຼັງ, ​ເຂົ້າ​ເສຍ​ຫາຍ 1.771​ໂຕນ.

-       ​ເຮືອນ​ຖືກ​ເສຍ​ຫາຍ 23 ຫຼັງ.

-       ລະບົບ​ຕາ​ຂ່າຍ​ໄຟຟ້າ, ​ມູນ​ຄ່າ 2.325.043.000 ກີບ.

·         ລວມມູນ​ຄ່າ​ຖືກ​ເສຍ​ຫາຍທັງໝົດ 227,610,394,844 ກີບ.

V.  ຄວາມ​ຕ້ອງການ​ຟື້ນຟູຫຼັງນໍ້າ​ຖ້ວມ ​ໄດ້ຈັດ​ລຽງ​ເຂົ້າ​ໃນ​ແຜນ​ພັດທະນາ​ເສດຖະກິດ​ສັງຄົມ ​ໃນ​ແຕ່ລະ​ປີ: ລວມມູນ​ຄ່າທັງໝົດ  194,602,294,250 ກີບ, ​ໃນ​ນັ້ນ:

1)   ໂຂງ​ເຂດ​ກະສິກຳ ​ແລະ ປ່າ​ໄມ້, ​ມູນ​ຄ່າ​ທັງ​ໝົດ 9,500,000,000 ກີບ

-       ດ້ານ​ຊົນລະປະທານ​, ມູນ​ຄ່າ 6,941,043,746 ກີບ.

-       ດ້ານ​ປັດ​​ໃຈ​ການ​ຜະລິດ, ມູນ​ຄ່າ 2,208,956,254 ກີບ.

-       ຝຶກ​ອົບ​ຮົບ​ສົ່ງ​ເສີມ​ວິຊາ​ການ, ​ມູນ​ຄ່າ 350,000,000 ກີບ.

-       ປະ​ຕູ​ນໍ້າ-ຈັກ​ດູດ​ນໍ້າ​ອອກ, ​ໂດຍ​ເອົາ​ທາງ​ເລກທີ 13 ​ເຂດ​ໃຕ້​ຂອງ​ເມືອງ​ຄົງ​ເຊ​ໂດນ ​ເປັນ​ຄຸ​ກັນນໍ້າ.

2)  ໂຂງ​ເຂດ​ໂຍທາທິການ ​ແລະ ຂົນ​ສົ່ງ​, ມູນ​ຄ່າ​ທັງ​ໝົດ 180,189,962,250 ກີບ

-       ສ້ອມ​ແປງ​ສຸກ​ເສີນ​ແກ້​ໄຂ​ໃຫ້​ເສັ້ນທາງ​ສາມາດ​ນຳ​ໃຊ້​ໄດ້, ມູນ​ຄ່າ 55,393,192,250 ກີບ.

-       ສ້ອມ​ແປງ​ຫຼັງ​ຝົນ​ເພື່ອຟື້ນ​ຟູ​ໃຫ້​ເສັ້ນທາງ​ດີ ​ແລະ ຮັບປະກັນ​ທາງ​ດ້ານ​ເຕັກ​ນິກ, ມູນ​ຄ່າ 124,796,770,000 ກີບ.

-       ງົບປະມານ​ເຮັດ​ເດີ່ນ​ຖົມ​ດິນ ​ໃນ​ເຂດ​ທີ່​ມີ​ຄວາມ​ສ່ຽງ​ໄພ​ອັນຕະລາຍ ​ເພື່ອ​ເປັນ​ສະຖານ​ຮອງ​ຮັບ​ປະຊາຊົນ​ໃນ​ເວລາ​ຍົກຍ້າຍ.

-       ທຶນ​ຊື້​ເຮືອ​ທ້ອງ​ແບນ ​ເພື່ອ​ປະຈຳ​ໄວ​ຢູ່​ເມືອງ ຈໍານວນ 7 ລໍາ.

3)  ໂຂງ​ເຂດ​ສາທາລະນະ​ສຸກ, ມູນ​ຄ່າ​ທັງ​ໝົດ 3,564,797,000 ກີບ

-       ຈັດ​ຊື້ຈັກ​ລົມ​ອານາ​ໄມ​ບໍ່ນໍ້າ ຈໍານວນ 2 ​ເຄື່ອງ, ມູນ​ຄ່າ 78,528,000 ກີບ.

-       ສ້ອມ​ແປງ ​ແລະ ອານາ​ໄມ​ບໍ່​ນໍ້າ ຈໍານວນ 269 ໜ່ວຍ, ມູນ​ຄ່າ 236,269,000 ກີບ.

-       ຈັດ​ຊື້ຢາ​ປົວ​ພະຍາດ 24 ລາຍການ, ມູນ​ຄ່າ 50,000,000 ກີບ.

-       ລົດຜະລິດ​ນໍ້າອຸປະ​ໂພ​ກ ​ແລະ ບໍລິ​ໂພ​ກ 1 ຄັນ, ມູນ​ຄ່າ 2,000,000,000 ກີບ.

-       ​ເຄື່ອງ​ຈັກຂຸ​ດ​ເຈາະ​ບາ​ດານ, ພາຫະນະ​ເຄື່ອນ​ຍ້າຍ 1 ຊຸດ, ມູນ​ຄ່າ 960,000,000 ກີບ.

-       ເຄື່ອງ​ຈັກຂຸ​ດ​ເຈາະ​ບາ​ດານ, ພາຫະນະ​ເຄື່ອນ​ຍ້າຍ 2 ຊຸດ, ມູນ​ຄ່າ 240,000,000 ກີບ.

4)  ໂຂງ​ເຂດ​ສຶກສາ​ທິການ ​ແລະ ກິລາ, ມູນ​ຄ່າ 1,347,535,000 ກີບ

-       ປຶ້ມ​ແບບຮຽນ ​ແລະຄູ່​ມື​ຄູ,​ໂຕະ​ຕັ່ງ​ນັກຮຽນ,​ໂຕະ​ຕັ່ງ​ຄູ,ກະດານ,ສໍ​ຂາວ​ເຈັ້ຍ​ດາມ,ລວມມູນ​ຄ່າ760,535,000 ກີບ.

-       ກໍ່ສ້າງ​ໂຮງຮຽນ​ປະຖ​ົມສົມ​ໜອງ​ແຕງ​ເມືອງ ຄົງ​ເຊ​ໂດນ ຈໍານວນ 1 ຫຼັງ​ ມີ 5 ຫ້ອງ​ຮຽນ, 1 ຫ້​ອງການ​ຄູ,​ເຟີ​ນີ​ເຈີ​ຄົບ​ຊຸດ,ຫ້ອງ​ນໍ້າ 1 ຫຼັງ ( ​ແຍກຍິງ-​ຊາຍ ), ມູນ​ຄ່າ 552,000,000 ກີບ.

-       ສ້ອມ​ແປງ​ໂຮງຮຽນ​ປະຖົມ ບ້ານ​ເລົ້າ​ເມືອງ ​ວາປີ, ມູນ​ຄ່າ 20.000.000 ກີບ

-       ສ້ອມ​ແປງ​​ໂຮງຮຽນ​ປະຖ​​​ົມບ້ານ ດອນ​ເມືອງ ​ເມືອງ ຄົງ​ເຊ​ໂດນ, ມູນ​ຄ່າ  15,000,000 ກີບ.

      VI. ພາກ​ສະ​ເໜີ: ( ຄວາມ​ຕ້ອງການ​ດ່ວນ )

1)   ໂຂງ​ເຂ​ດກະສິກໍາ, ມູນ​ຄ່າ 8,607,043,746 ກີບ.

-       ສ້ອມ​ແປງ​ລະບົບ​ຊົນລະປະທານ ​ເພື່ອ​ຜະລິດ​ທົດ​ແທນ, ມູນ​ຄ່າ 6,941,043,746 ກີບ.

-       ປັດ​ໃຈ​ການ​ຜະ​ລິ​ດມູນ​ຄ່າ: 1,666,000,000 ກິບ.

2)  ໂຂງ​ເຂດໂຍທາ​ທິການ ​ແລະ ຂົນ​ສົ່ງ,  ມູນ​ຄ່າ 19,425,237,000 ກີບ

-       ສ້ອມ​ແປງ​ຂົວ-​ທາງ, ມູນ​ຄ່າ 19,425,237,000 ກີບ

3)  ໂຂງ​ເຂດ​ສາທາລະນະ​ສຸກ, ມູນ​ຄ່າ 364,797,000 ກີບ

-       ຈັດ​ຊື້ຈັກ​ລົມ​ອານາ​ໄມ​ບໍ່ນໍ້າ ຈໍານວນ 2 ​ເຄື່ອງ, ມູນ​ຄ່າ 78,528,000 ກີບ.

-       ສ້ອມ​ແປງ ​ແລະ ອານາ​ໄມ​ບໍ່​ນໍ້າ ຈໍານວນ 269 ໜ່ວຍ, ມູນ​ຄ່າ 236,269,000 ກີບ.

-       ຈັດ​ຊື້ຢາ​ປົວ​ພະຍາດ 24 ລາຍການ, ມູນ​ຄ່າ 50,000,000 ກີບ.

4)  ໂຂງ​ເຂດ​ສຶກສາ​ທິການ-ກິ​ລາ ​ແລະ ສະຫວັດດີ​ການ​ສັງຄົມ, ມູນ​ຄ່າ: 795,535,000 ກີບ:

-       ປື້​ມ​ແບບຮຽນ ​ແລະ ປື້​ມຄູ່​ມື​ຄູ,​ໂຕະ​ຕັ່ງ​ນັກຮຽນ,​ໂຕະ​ຕັ່ງ​ຄູ, ກະດານ​,ສໍ​ຂາວ​ເຈັ້ຍ​ດາມ,ມູນ​ຄ່າ760,535,000 ກີບ.

-       ສ້ອມ​ແປງ​ໂຮງຮຽນ​ປະຖົມ​ບ້ານ​ເລົ້າ​ ເມືອງ​ວາປີ, ມູນ​ຄ່າ 20,000,000 ກີບ.

-       ສ້ອມ​ແປງ​​ໂຮງຮຽນ​ປະຖົມ​ບ້ານ​ດອນ​ເມືອງ ​ເມືອງ ຄົງ​ເຊ​​ໂດນ ມູນ​ຄ່າ: 15,000,000 ກີບ

-       ເຂົ້າສານ​ຄິດ​ໄລ່​ໄລຍະ 3 ​ເດືອນ, 3 ເມືອງ ຄື: ເມືອງ ຄົງເຊໂດນ, ວາປີ ແລະ ເມືອງ ສາລະວັນ ລວມຈໍານວນທັງໝົດ 8,682 ຄອບຄົວ, 54,634 ຄົນ, ຍິງ 27,237 ຄົນ, ລວມຈໍານວນເຂົ້າ ປະມານ 2,358 ​ໂຕນ ( ​ໃນ​ໄລຍະ​ທຳ​ການ​ຜະລິດ​ເຮັດ​ນາ​ແຊງ ).

-       ສາງ​ເກັບ​ມ້ຽນ​ເຄື່ອງ​, ມູນຄ່າ 600,000,000 ກີບ.

​ເຈົ້າ​ແຂວງໆສາລະ​ວັນ

( ປະທານ​ຄະນະ​ກໍ​າມະ​ການ​ປ້ອງ​ກັນ ​ແລະ ​ແກ້​ໄຂ​ໄພພິບັດ​ຂັ້ນ​ແຂວງ )