January 2014 ~ ພະແນກແຮງງານ ແລະ ສະຫວັດດີການສັງຄົມແຂວງສາລະວັນ

ຝຶກອົບຮົມແຮງງານລາວ ກ່ອນສົ່ງໄປອອກແຮງງານຢູ່ຕ່າງປະເທດ ( ປະເທດໄທ ) ບໍລິສັດຄ່າກິ່ວມິດ ( ງານໄກແປຮູບ ) ໄທແລນຈໍາກັດ. ຝຶກອົບຮົມໃນຄັ້ງນີ້ ມີຄູຝຶກມາຈາກ ປກສ ແຂວງ 1 ທ່ານ, ກໍາມະບານແຂວງ 1 ທ່ານ, ຊາວໜຸ່ມແຂວງ 1 ທ່ານ ແລະ ອປສ ປະຈໍາແຂວງ 1 ທ່ານ ລວມທັງໝົດ 4 ທ່ານ. ຈໍານວນແຮງງານທີ່ຝຶກ 85 ຄົນ, ຍິງ 49 ຄົນ ໂດຍຜ່ານບໍລິສັດວຽງໄຊ ບໍລິການຈັດຫາງານ. ຈະສົ່ງອອກໃນວັນທີ 24/1/2014 ນີ້.

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

-------------------------

ພະແນກແຮງງານ ແລະ ສະຫວັດດີການສັງຄົມແຂວງ ເລກທີ................/ຮສສຂທີ່ ສາລະວັນ, ວັນທີ.............................

ບົດສະຫຼຸບ

ການຈັດຕັ້ງປະຕິບັດວຽກງານ ຂອງອົງການອ໋ອກສະຟາມ ອົດສະຕຣາລີ ສົກປີ 2012-2013

( ໂຄງການຫຼຸດຜ່ອນຄວາມສ່ຽງໄພພິບັດຊຸມຊົນເຂດພູດອຍ)

ອົງການ ອ໋ອກສະຟາມອົດສະຕາລີ ປະກອບມີພະນັກງານທັງໝົດ 8 ຄົນ, ຍິງ 3 ຄົນ, ໄດ້ເຄື່ອນໄຫວຈັດຕັ້ງປະຕິບັດໂຄງການຫຼຸດຜ່ອນຄວາມສ່ຽງໄພພິບັດຊຸມຊົນເຂດພູດອຍ ຢູ່ເມືອງຕະໂອ້ຍ, ມີ 30 ບ້ານເປົ້າໝາຍ, ຊຶ່ງສາມາດສະຫຼຸບສັງລວມໂດຍຫໍ້ຍ ລະອຽດດັ່ງນີ້:

I. ເປົ້າໝາຍຂອງໂຄງການ:

1) ຄຸ້ມຄອງ ແລະ ຫຼຸດຜ່ອນຜົນກະທົບຈາກໄພພິບັດທີ່ເກີດຂື້ນຈາກໄພທໍາມະຊາດ ແລະ ມະນຸດສ້າງຂື້ນ.

2) ການພັດທະນາຄວາມສາມາດໃຫ້ເພື່ອນຮ່ວມງານ.

3) ການບໍລິຫານໂຄງການ.

II. ຈຸດປະສົງຂອງໂຄງການ.

1) ເພື່ອຍົກລະດັບຄວາມຮັບປະກັນທາງດ້ານສະບຽງອາຫານ ແລະ ການສ້າງລາຍຮັບເພີ່ມແກ່ຄອບຄົວ ໃຫ້ດີຂື້ນກວ່າເກົ່າ.

2) ເພື່ອສ້າງຄວາມເຂັ້ມແຂງໃຫ້ແກ່ພະນັກງານ ມີຄວາມຮູ້ຄວາມສາມາດ ດ້ານວິຊາການ.

3) ເພື່ອຫຼຸດຜ່ອນຄວາມສ່ຽງຈາກໄພພິບັດທີ່ເກີດຂື້ນ ແລະ ເພື່ອຕອບໂຕ້ໄພພິບັດ ໃຫ້ເຂົ້າສູ້ສະພາບປົກກະຕິໂດຍໄວ້.

III. ການຈັດຕັ້ງປະຕິບັດ ແຕ່ລະໜ້າວຽກ ມີດັ່ງລຸ່ມນີ້:

- ຝຶກອົບຮົມໃຫ້ໝໍຕໍາແຍມີ 5 ກຸ່ມບ້ານ, ຈໍານວນພົນ 36 ຄົນ, ໃນ 18 ບ້ານເປົ້າໝາຍ,1ຄັ້ງ/ບ້ານ.

- ຕິດຕາມທຶນໜູນວຽນຈໍານວນ 14 ບ້ານ.

- ຝຶກອົບຮົມໃຫ້ອາສາສະໝັກຂັ້ນບ້ານ ກ່ຽວກັບການໂຄສະນາ ຜົນຮ້າຍຂອງລູກລະເບີດບໍ່ທັນແຕກ ໄດ້ຈໍານວນ 80 ຄົນ, ຍິງ 20 ຄົນ,ໃນ 30 ບ້ານເປົ້າໜາຍ 2ຄັ້ງ( 15 ບ້ານ / ຄັ້ງ ).

- ປັບປຸງ ຄະນະກໍາມະການ ປ້ອງກັນ ແລະ ຄວບຄຸມໄພພິບັດຂັ້ນບ້ານ ໃນ 30 ບ້ານເປົ້າໝາຍ, ຊຶ່ງມີຜູ້ເຂົ້າຮ່ວມ 88 ທ່ານ, ຍິງ 23 ຄົນ.

- ກວດແມ່ຫຼັງເກີດ ໄດ້ 793 ຄົນ.

- ສໍາຫຼວດ ຊົນລະປະທານຂະໜາດຄອບຄົວ ຈໍານວນ 3 ຄອບຄົວ.

- ສະໜັບສະໜູນທຶນ ຈັດລາຍການວິທະຍຸ ຢູ່ຫ້ອງການຖະແຫຼ່ງຂ່າວວັດທະນະທໍາແລະທ່ອງທ່ຽວເມືອງຕະໂອ້ຍ ຈໍານວນ 3ຄັ້ງ.

- ຝຶກອົບຮົມການລ້ຽງແບ້ 19 ບ້ານ 1 ຄັ້ງ.

- ລົງຕິດຕາມການປ່ອຍທຶນລ້ຽງແບ້ໃນຈໍານວນ 9 ບ້ານ.

- ຝຶກອົບຮົມການຄຸ້ມຄອງນໍາໃຊ້ທະນາຄານເຂົ້າ 3 ບ້ານ.

- ຝຶກອົບຮົມ ອາສາສະໝັກ HIV/AID ຈໍານວນ 30 ບ້ານ, ຈໍານວນ 60 ຄົນ, 2ຄັ້ງ(15ບ້ານ/ຄັ້ງ)

- ຝຶກອົບຮົມ ການຕິດຕາມ - ປະເມີນຜົນ ຂອງໂຄງການອ໋ອກສະຟາມ ອົດສະຕາລີ.

- ຝືກອົບຮົມ ໃຫ້ອາສາສະໝັກ ກ່ຽວກັບການໂຄສະນາ ເພື່ອຮັກສາສຸຂະພາບ ຈໍານວນ 30 ບ້ານ,ຈັດ 3ຄັ້ງ(1 ຄັ້ງ/10ບ້ານ ).

- ຢາຍຄູ່ມືໝໍຕໍາແຍ ໃຫ້ຈໍານວນ 18 ບ້ານ.

- ຕິດຕາມການຍ້າຍທຶນລ້ຽງສັດໃຫ້ຄອບຄົວໄໝ່ 19 ບ້ານ.

- ຕອບສະໜອງນໍ້າບາດານຈໍານວນ 3 ບໍໃນ 3 ບ້ານ.

- ຝຶກອົບຮົມການຄຸ້ມຄອງນໍາໃຊ້ນໍ້າບາດານ 3 ບ້ານ 1 ຄັ້ງ.

- ຝຶກອົບຮົມເລື່ອງສິດທິຄົນພິການໃຫ້ແກ່ພະນັກງານເມືອງຈໍານວນ 38 ຄົນ, ມີ 5 ຫ້ອງການ.

- ລົງເອົາຂໍ້ມູນແລະສະຫຼຸບຜົນການຈັດຕັ້ງປະຕິບັດແຕ່ລະກິດຈະກໍາ ຈໍານວນ 10 ບ້ານ.

- ຕິດຕາມການຈັດຕັ້ງປະຕິບັດ ຂອງທະນາຄານເຂົ້າຈໍານວນ 3 ບ້ານ.

- ຝຶກອົບຮົມບົດບາດຍິງ-ຊາຍໃຫ້ພະນັກງານຂັ້ນເມືອງມີຜູ້ເຂົ້າຮ່ວມ 16 ຄົນ.

- ຈັດກອງປະຊຸມຄະນະຄຸ້ມຄອງໄພພິບັດຂັ້ນບ້ານ 2 ກຸ່ມຄື:ກຸ່ມປະໂສມ, ກຸ່ມຕະປືນພູມີ 7 ບ້ານເຂົ້າຮ່ວມຈໍານວນ 16 ຄົນ.

- ລົງຊຸກຍູ້ຕິດຕາມການກໍ່ສ້າງນໍ້າລິນທີ່ບໍ່ທັນສໍາເລັດຈໍານວນ 2 ບ້ານ.

- ລົງຕິດຕາມຊຸກຍູ້ ຕິດຕາມການນໍາໃຊ້ວິດຖ່າຍ ຈໍານວນ 4 ບ້ານ.

- ສືບຕໍ່ຝຶກອົບຮົມຕູ້ຢາປະຈໍາບ້ານ ຈໍານວນ 20 ບ້ານ/ຄັ້ງ.

- ສົ່ງເສີມການລ້ຽງປາ ຈໍານວນ 15 ບ້ານ.

- ຝຶກອົບຮົມການນໍາໃຊ້ຊົນລະປະທານ ຈໍານວນ 5 ບ້ານ.

- ລົງສົມທົບກັບອົງການຈັດຕັ້ງຂັ້ນບ້ານເພື່ອຂະຫຍາຍທຶນໃຫ້ສະມາຊິກໃນການລ້ຽງແບ້ 4 ບ້ານ.

- ລົງຕິດຕາມທະນາຄານເຂົ້າຈໍານວນ 11 ບ້ານ.

- ລົງຕິດຕາມການລ້ຽງປາ ຈໍານວນ 9 ບ້ານ.

IV. ດ້ານດີ ແລະ ດ້ານອ່ອນ:

ກ. ດ້ານດີ:

1) ໃນການຈັດຕັ້ງປະຕິບັດໂຄງການແມ່ນໄດ້ຮັບການຮ່ວມມືຈາກທຸກພາກສ່ວນ ເປັນຕົ້ນ: ຂັ້ນແຂວງ, ເມືອງ, ອໍານາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນ ແມ່ນໄດ້ປະກອບສ່ວນບັນດາກິດຈະກໍາຫຼາຍຢ່າງໄດ້ຕາມແຜນທີ່ໄດ້ວາງໄວ້.

2) ໄດ້ສ້າງຄວາມເຂັ້ມແຂງໃຫ້ພະນັກງານຂັ້ນແຂວງ, ຂັ້ນເມືອງ ແລະ ຂັ້ນບ້ານ ທາງດ້ານວິຊາການເປັນຕົ້ນ:ການຝຶກອົບຮົມກ່ຽວກັບການແຜນຫຼຸດຜ່ອນຄວາມສ່ຽງໄພພິບັດຂັ້ນເມືອງ, ຂັ້ນບ້ານ, ການປະສານງານ, ການຈັດຕັ້ງປະຕິບັດບັນດາກິດຈະກໍາຕ່າງໆ.

3) ມີການສ້າງຕັ້ງຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງ, ຂັ້ນບ້ານ, ພ້ອມດ້ວຍກອງເລຂາມີຫຼາຍກິດຈະກໍາທີ່ໄດ້ຮັບຜົນສໍາເລັດ ແລະ ເປັນຕົວແບບເປັນຕົ້ນ: ກິດຈະກໍາປູກເຂົ້າດ້ວຍກ້າກີບດຽວ, ທະນາຄານເຂົ້າ ແລະ ອື່ນໆ...

4) ປະສິດທິຜົນຂອງການຊ່ວຍເຫຼືອແມ່ນສອດຄ່ອງກັບແຜນພັດທະນາເສດຖະກິດສັງຄົມ ເຊັ່ນ: ໃນບັນດາກິດຈະກໍາຂ້າງເທິງລ້ວນແຕ່ຕິດພັນກັບການດໍາລົງຊີວິດຂອງຊາວບ້ານເປັນສ່ວນໃຫຍ່ ແມ່ນຈະເນັ້ນໃສ່ການປັບປຸງຊີວິດການເປັນຢູ່ໃຫ້ດີຂຶ້ນເປັນຕົ້ນ: ການສົ່ງເສີມໃນການປູກຝັງ ແລະ ລ້ຽງສັດ ທີ່ເໝາະສົມກັບສະພາບພື້ນທີ່ຂອງເຂົາເຈົ້າ, ນອກນັ້ນຍັງມີກິດຈະກໍາໃນການກໍ່ສ້າງນໍ້າລິນ, ບ້ານສາມສະອາດ, ການໂຄສະນາວຽກງານລະເບີດບໍ່ທັນແຕກ...

5) ກຸ່ມເປົ້າໝາຍທີ່ໄດ້ຮັບຜົນປະໂຫຍດຈາກໂຄງການດັ່ງກ່າວ ແມ່ນເມືອງຕະໂອ້ຍ ເວົ້າລວມ, ເວົ້າສະເພາະ ກໍ່ແມ່ນຈໍານວນ 30 ບ້ານເປົ້າໝາຍ, ເຊິ່ງເປັນເມືອງທຸກຍາກລະດັບຊາດ. ມາຮອດປະຈຸບັນຊີວິດການເປັນຢູ່ຂອງປະຊາຊົນບັນດາເຜົ່າໃນເຂດບ້ານເປົ້າໝາຍໄດ້ຮັບການພັດທະນາດີຂຶ້ນເປັນກ້າວໆ.

6) ກົນໄກການປະສານງານ ການຕິດຕາມ, ກວດກາ, ການປະເມີນຜົນ ແລະ ການສະຫຼຸບລາຍງານໃນໄລຍະຜ່ານມາ ແມ່ນໄດ້ຮັບການຮ່ວມມືເປັນຢ່າງດີ ເປັນຕົ້ນ: ການສະຫຼຸບເດືອນ,3 ເດືອນ, 6 ເດືອນ, 9 ເດືອນແລະ ປະຈໍາປີ.

ຂ. ດ້ານອ່ອນ

1) ອໍານາດການປົກຄອງບ້ານ ກໍ່ຄືປະຊາຊົນບ້ານເປົ້າໝາຍ ລະດັບການສຶກສາຍັງຕໍ່າເຮັດໃຫ້ນໍາເອົາຄວາມຮູ້ດ້ານວິຊາການຕ່າງໆໄປນໍາໃຊ້ຍັງບໍ່ທັນເຕັມເມັດເຕັມໜ່ວຍ.

2) ຈໍານວນບ້ານເປົ້າໝາຍຕັ້ງຢູ່ເຂດຫ່າງໄກສອກຫຼີກ ແລະ ເປັນບ້ານທຸກຍາກ.

3) ບຸກຄະລາກອນຂັ້ນເມືອງ, ຂັ້ນບ້ານຍັງບໍ່ທັນພຽງພໍ, ຄວາມຮູ້ຄວາມສາມາດປະສົບການຍັງບໍ່ທັນສູງໃນການວາງແຜນ, ການຕິດຕາມ, ກວດກາ ແລະ ປະເມີນຜົນບວກກັບງົບປະມານຍັງຂາດເຂີນ.

4) ພະນັກງານ-ລັດຖະກອນຂັ້ນແຂວງ ແລະ ຂັ້ນເມືອງ ໃນການລົງຕິດຕາມ, ກວດກາ ບັນດາກິດຈະກໍາຕ່າງໆຂອງໂຄງການ ຍັງບໍ່ທັນດີເທົ່າທີ່ຄວນ.

5) ຄວາມເຂົ້າໃຈຂອງປະຊາຊົນ ກ່ຽວກັບກິດຈະກໍາຂອງໂຄງການຍັງບໍ່ທັນສູງ ສ່ວນຫຼາຍແມ່ນເນັ້ນແຕ່ກິດຈະກໍາ ທີ່ເຫັນຜົນທັນທີ, ສ່ວນກິດຈະກໍາທີ່ປູກຈິດສໍານຶກຍັງຊັກຊ້າ.

6) ການສະຫຼຸບລາຍງານການຈັດຕັ້ງປະຕິບັດ ຂອງອົງການຈັດຕັ້ງພາກລັດ ກັບ ອົງການຈັດຕັ້ງສາກົນ ແມ່ນບໍ່ຖືກກັນ ເຊັ່ນ: ພາກລັດ ສົກປີແມ່ນ ນັບແຕ່ເດືອນ 10 ຫາ ເດືອນ 9 ແລະ ສ່ວນອົງການຈັດຕັ້ງສາກົນ ແມ່ນ ນັບແຕ່ເດືອນ 1 ຫາ ເດືອນ 12.

V. ທິດທາງແຜນການການຈັດຕັ້ງປະຕິບັດສົກປີ 2013-2014.

ອົງການອ໋ອກສະຟາມອົດສະຕາລີ ຈັດຕັ້ງປະຕິບັດໂຄງການຫຼຸດຜ່ອນຄວາມສ່ຽງໄພພິບັດຊຸມຊົນເຂດພູ

ດອຍຢູ່ເມືອງຕະໂອ້ຍ ຊຶ່ງສາມາດວາງແຜນການຈັດຕັ້ງປະຕິບັດໃນຕໍ່ໜ້າ ໄດ້ດັ່ງນີ້:

1. ຫ້ອງການສາທາລະນະສຸກເມືອງ:

- ລົງກວດກາພະຍາດເຄື່ອນທີ່ແລະ ໂຄສະນາສຸຂະສຶກສາພະຍາດທີ່ມັກເກີດຕາມລະດູການໃຫ້ໄດ້ 2 ຄັ້ງ.

- ສ້ອມແປງນໍ້າບາດານໃຫ້ໄດ້ 2 ບ້ານ.

- ຕິດຕາມການບໍລິການໝໍຕໍາແຍຂັ້ນບ້ານ.

- ສ້ອມແປງກ໋ອກນໍ້າລິນ ຢູ່ໃນ 7 ບ້ານ

- ກໍ່ສ້າງວິດຖ່າຍ 1 ບ້ານ.

- ໂຄສະນາການນໍ້າໃຊ້ວິດຖ່າຍ.

- ເຈາະນໍ້າບາດານ 2 ບ້ານ.

2. ຫ້ອງການກະສິກໍາປ່າໄມ້.

- ສືບຕໍ່ສົ່ງເສີມປູກພືດສວນຄົວໃຫ້ໄດ້ 15 ບ້ານ.

- ສົ່ງເສີມປູກເຂົ້າດ້ວຍກ້າກີບດຽວໃຫ້ໄດ້ 5 ບ້ານ.

- ຝຶກອົບຮົມການປ້ອງກັນສັດຕູພືດໃຫ້ໄດ້ 15 ບ້ານ.

- ຝຶກອົບຮົມການເກັບຮັກສາອາຫານສັດໃຫ້ໄດ້ 10 ບ້ານ.

- ຝຶກອົບຮົມການຄຸ້ມຄອງຊັບພະຍາກອນທໍາມະຊາດໃຫ້ໄດ້ 5 ບ້ານ.

- ສ້ອມແປງຊົນລະປະທານ ໃຫ້ໄດ້ 3 ບ້ານ.

3. ຫ້ອງການຖະແຫຼ່ງຂ່າວແລະວັດທະນະທໍາ.

- ສືບຕໍ່ປັບປຸງແຮງສົ່ງສັນຍານວິທະຍຸ ( ເພີ່ມຄວາມແຮງ ).

-ຂໍທຶນໄປທັດສະນະສຶກສາການຄຸ້ມຄອງວິທະຍຸ.

- ຂໍທຶນສ້ອມແປງຫ້ອງສົ່ງວິທະຍຸຢູ່ຂັ້ນເມືອງ.

4.ຫ້ອງການສະຫະພັນແມ່ຍິງເມືອງ.

- ລົງໂຄສະນາບົດບາດຍິງ-ຊາຍໃຫ້ໄດ້ 30 ບ້ານເປົ້າໝາຍ.

- ຕິດຕາມການຕໍ່າຫູກແລະຂະຫຍາຍຕື່ມອີກໃຫ້ໄດ້ຈໍານວນ 4 ບ້ານ.

5. ຫ້ອງການແຮງງານ ແລະສະຫັວດດີການ-ສັງຄົມເມືອງ.

- ຝຶກອົບຮົມການບໍລິການໃຫ້ຄະນະຮັບຜິດຊອບກອງທຶນຂັ້ນບ້ານ ໃຫ້ໄດ້ 17 ບ້ານ.

- ມອບໂອນໂຄງການຂັ້ນບ້ານ ໃນຈໍານວນ 30 ບ້ານເປົ້າໝາຍ.

- ມອບໂອນໂຄງການຂັ້ນ ເມືອງ.

ຫົວໜ້າພະແນກຮສສ ແຂວງສາລະວັນ ຫົວໜ້າຂະແໜງສັງຄົມ-ສົງເຄາະ

ພະແນກ ຮສສ ແຂວງສາລະວັນ

ກົດໝາຍ ສປປ ລາວ ແລະ ນິຕິກຳຂົງເຂດແຮງງານ

ລາຍການເວັບໄຊທີ່ໜ້າອ່ານ

Recent Posts

ຂ່າວທີ່ນິຍົມອ່ານຫລາຍ

ວິທະຍຸແຫ່ງຊາດລາວ

ນິຍາມໜ້າວຽກຂອງແຕ່ລະໜ່ວຍງານ

ມອບເຄື່ອງຊ່ວຍຫຼືອທີ່ເມືອງຄົງເຊໂດນ

ທ່ານລັດຖະມົນຕີຊ່ວຍວ່າການກະຊວງ ຮສສ

ທ່ານ ບຸນຍົງ ພາສີ

ກອງປະຊຸມໜ່ວຍພັກ

Sunbathing

ໜ້າຫລັກ

ຂ່າວໃໝ່

Wednesday, January 22, 2014

Monday, January 20, 2014

Thursday, January 16, 2014

Labels

Share ເວັບໄຊອອກເຟສບຸກ

Facebook fan page

ຝຶກອົບຮົມວຽກງານລັດຖະກອນ

ມອບເງິນອຸດໜູນ

ລະບົບ BCEL-One

Blog Archive

ນຳເບີ້ໂທລະສັບ

ຄລິບເຕະບານ

ແຈ້ງສຸກເສີນ

ສະພາບອາກາດ

About Me

ກົດໝາຍ ແລະ ນິຕິກຳ

ຂ່າວພາຍໃນພະແນກ

ຜູ້ກຳລັງຕິດຕາມ

ອັດຕາແລກປ່ຽນເງິນກີບ

ສະຖິຕິຜູ້ເຂົ້າຊົມ